En portadaGalerías de fotosÚltima hora

Un espectacular Chevrolet Bel Air abría a XIII Carreira da Feira do Viño de Quiroga

Pisa de novo o asfalto tras seis anos de restauración por parte do seu propietario, natural de San Clodio

Sorprendía e encandilaba á vez. Cunha agradable sorpresa, en especial para os afeccionados aos vehículos clásicos, comezaba a XIII Carreira Popular da Feira do Viño de Quiroga na tarde do 14 de abril. Un espectacular e elegante Chevrolet Bel Air abría a proba.

Trátase dun vehículo do ano 1959 que vén de ser obxecto dunha longa e mimada restauración ao longo de seis anos por parte do seu propietario, Fernando, natural de San Clodio. “Cando o merquei estaba desfeito de todo, de desguace, levaba dado de baixa dende o ano 79. Compreino no 2011 e dende entón estiven dándolle duro, fixen eu o traballo de restauración, pedindo as pezas a EEUU”, conta.

Hai pouco que rematou con ese labor e esta é a segunda ocasión na que este vehículo clásico pode verse nun acto público. A primeira foi na súa voda. Unha das particularidades deste Chevrolet é que “veu para España e matriculouse en Madrid no 61. E foi feito para Europa xa que ten o contakilómetros en km/h, posto que normalmente nos EEUU están postos en millas, e o cambio é manual, mentres que alí soen ser automáticos. Polo tanto é un modelo americano pero feito para Europa. E non é moi fácil atopar un vehículo americano tan antigo feito para aquí”, destaca Fernando.

Que o desfrutes Fernando!

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close