Un estudo do valdeorrés Jesús García Mata sobre o marcador “ki67 no cancro de mama precoz” gana o XXXIV Premio Cabaleiro Goás

O vindeiro 13 de marzo ás 19h. presentarase no Colexio Médico de Ourense un resume dos traballos científicos presentados nesta edición do certame

“Ki67 no cancro de mama precoz: relación con outras variables clinicopatolóxicas, impacto na supervivencia e valor prognóstico nos tumores luminais”. Este é o título do traballo ganador do XXXIV Premio Cabaleiro Goás, que convoca o Colexio Médico de Ourense. Un traballo científico realizado polos doutores Jesús García Mata e Jesús García Gómez do Servizo de Oncoloxía da EOXI de Ourense, Verín e O Barco de Valdeorras.

“O cancro de mama é a neoplasia que maior mortalidade produce entre as mulleres. Para o seu adecuado tratamento é moi importante coñecer o prognóstico que presentan as pacientes dependendo das características do tumor. Ki-67 é un marcador de proliferación celular que se expresa en tumores con maior agresividade”, explican dende o Colexio Médico de Ourense.

Neste estudo analizouse nunha mostra de 1515 pacientes diagnosticadas e tratadas de cancro de mama precoz no CHUO a influencia de Ki-67 na evolución da enfermidade, comprobando que aqueles tumores que presentan maior expresión desta proteína asócianse cunha diminución na supervivencia das pacientes.

Ademais de premiar o traballo dos doutores García Mata e García Gómez, o xurado tamén decidir distinguir cun accésito ao traballo “Reprodución asistida en parellas de bo prognóstico: ¿estamos tratando en exceso?”, do que son autoras Paula Rubio Cid, Carmen Varillas del Río, Rita González Núñez e María Teresa Alves Pérez.

O vindeiro mércores 13 de marzo ás 19 horas presentarase na sede do Colexio Médico de Ourense un resumo destes Trabajos Científicos del XXXIV Premio Cabaleiro Goás. Este ano, o xurado cualificador e o Colexio Médico entenderon que, “dada a calidade de todos os traballos presentados, era interesante presentar algún máis en Sesión aberta”. E así poderá coñecerse un resumo dun terceir proxecto: “Efecto da Demora Atribuíble ao Sistema Sanitario no Prognóstico do Cancro Colorrectal (CCR)” cuxos autores son: Jesús Daniel Fernández de Castro, F. Baiocchi Ureta, R. Fernández González, N. Pin Vieito e J. Cubiella Fernández do Servizo de Dixestivo da EOXI de Ourense.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies