Arredor das oito da tarde de onte, luns 29 de marzo, un home sufría un accidente co tractor que conducía na localidade de Palleirós, no concello de Manzaneda.
Ata o lugar do sinistro desprazábanse de inmedianto os voluntarios da Agrupación de Protección Civil de Manzaneda, así como un helicóptero e unha ambulancia do 061 e a Garda Civil. A persoa ferida era trasladada na aeronave ata o Hospital Universitario de Ourense.