Unha nube de fume cubría o ceo da cidade cara ás 13:25 horas. Un incendio forestal declarouse, segundo informaron os Bombeiros de Ourense, na zona de Casardomato, en O Pino, a excasos seis quilómetros da zona de Baño de Outariz. Segundo puideron confirmar fontes de Medio Rural, o lume quedou estabilizado cara ás 17:45 horas e as lapas queimaron un total de 10 hectáreas de arborado e monte baixo. Asemade, aseguraron que ningunha casa da zona tivo que ser desaloxada.
En total , para a extinción deste lume, participaron tres axentes, 11 brigadas, catro motobombas, oito helicópteros e un avión. Entre ese equipo estivo a Brin de Laza e os Bombeiros de Ourense, que recibiron o apoio do helicóptero da Brif de Tabuyo, con base en León. Segundo informaron, na zona atopáronse restos de libros e apuntes queimados que puideron ser a causa do lume.
No seguinte vídeo do Twitter da Brif de Laza pódese apreciar a magnitude do lume:
Video desde arriba del incendio en Ourense! #Brif Laza! Y nuestra novena salida! pic.twitter.com/QYEATJUxXN
— Diario de un Bombero (@BrifLaza) June 23, 2017