Publicidade
OurenseÚltima hora

Un libro como agasallo para os máis pequenos

A campaña "Un libro desconfina a túa imaxinación" do Concello de Ourense chegou ao 18% da poboación destinataria en tan só dous días

O alcalde de Ourense, Gonzalo Pérez (esquerda), e o concelleiro de Cultura, Mario González (dereita), na súa visita á librería Nobel.

 

O alcalde de Ourense, Gonzalo Pérez, e o concelleiro de Cultura, Mario González, visitaron a librería Nobel a mañá deste venres, 3 de xullo, para supervisar a campaña “Un libro desconfina a túa imaxinación” coa que o concello pretende obsequiar cun libro a todos os nenos nados entre o 1/1/2002 e o 31/12/2016. Durante a visita, Gonzalo Pérez anunciou que en só dous días o 18% da poboación á que vai dirixido o proxecto xa recollera o seu agasallo.

A campaña pretende fometar a lectura entre a mocidade e o acceso universal aos libros así como a reactivación do comercio local. Calquera persoa comprendida na franxa de idade indicada e censada actualmente no Concello de Ourense poderá participar recollendo un libro de balde nunha librería da cidade. A administración local cubrirá un máximo de 20 euros por neno e os menores de 14 anos deberán ir acompañados polos seus parentes ou titores legais.

O  alcalde afirmou que esta iniciativa é, para os máis novos, “un premio ao bo comportamento durante o confinamento” e que se trata de “un anticipo do bono cultural do futuro” de forma que cada cidadán poida escoller a cultura que desexe.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close