CulturaCulturaMúsicaÚltima hora

Un local barquense únese ás asociacións de salas de concertos estatais para solicitar medidas mentres dure o cese de actividade

Exterior do Café Teatro Bajo 5. /Foto: Carlos G. Hervella.

 

Ante as medidas tomadas polo Goberno para conter o Covid-19, as asociacións de salas de concertos do Estado ás que se une o Café Teatro Bajo 5 do Barco de Valdeorras, veñen de emitir un comunicado no que amosan o seu apoio e solidariedade “con todo o persoal sanitario que nestes momentos tan duros traballa pola nosa saúde poñendo en risco as súas vidas”, así como ás medidas emprendidas polo Goberno do Estado, Gobernos Autonómicos e municipios, amosando a súa colaboración para que “entre todas e todos poidamos afrontar esta situación de excepción”.

No comunicado tamén queda patente que malia as medidas adoptadas, esta crise obrigoulles a botar o peche das salas salas e cesar toda actividade sine die. “O noso compromiso coa saúde é total e queremos poñer en valor o esforzo das nosas socias e socios por ter optado polo peche voluntario antes de que se decretara o peche total destes espazos”, aseguran, engandindo que “para paliar as consecuencias incalculables que esta anómala situación vai provocar para o noso sector, para os nosos traballadores e para os músicos e artistas que actúan nos nosos escenarios vemos de crucial importancia que se tomen unha serie de medidas”.

O comunicado pode lerse integramente no seguinte PDF pero enre as medidas están a “moratoria ou período de carencia dos alugueres dos establecementos a través da creación dunha dotación extraordinaria, a fondo perdido de axuda aos arrendadores”.

En concordancia coas medias adoptadas polo Goberno, sindicatos e patronal tamén solicitan “suspender a obrigación de pago das cotizacións dos traballadores por parte das empresas durante o período de inactividad”, entre outras medidas.

Medidas propostas polas salas de concertos

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close