ConcellosGalerías de fotosÚltima hora

Un Magosto de récord en San Xoán de Río

A AC RíoMola superou a mellor das expectativas organizando o mellor e máis numeroso Magosto que se lembra na localidade e deixa un listón verdadeiramente alto para os magostos que se celebren no 2019 en San Xoán de Río

Dúas horas antes do comezo do Magosto, a pesar do intenso frío e a choiva, as rúas e bar da localidade ían collendo o ambiente das grandes ocasións. Cos canóns de calor a tope de potencia, o lume feito e as mesas preparadas, media hora antes do comezo do Magosto o polideportivo foi recibindo aos primeiros asistentes que aproveitaron para ver os postres do concurso que serían servidos na sobremesa.

Con máis de 200 asistentes sentados nas mesas, a organización comezou a servir a empanada, tanto de carne como de atún, das 2 panaderías da localidade. A continuación a panceta fresca feita a parrilla por Pi convenceu os asistentes, que xa co estómago cheo tiveron que facer fronte os chourizos. A sobremesa comezou coas castañas feitas no cacho por Nestor, para a continuación servir a famosa bica da localidade e os cafés. Cando as botellas de herbas e likor café puxéronse nas mesas abriuse a veda para desgustar os 25 postres presentados a concurso. Co estómago cheo chegaba o prato forte da tarde, as actuacións de Ari e Velusa.

As máis de 250 persoas que se deron cita nun concello de 500 habitantes onde mais de 50% da poboación supera os 65 anos, puxeron nerviosa a Ari no comezo do seu concerto. Pese a súa corta idade, a xoia musical de Río, demostrou que ten o sangue das grandes artistas e ó pouco do comezo superou os nervios iniciais meténdose a todo o público no peto. A continuación Velusa, a representante de Portugal Norte en Recanteiros do Luar, demostrou porque é a favorita deste concurso abraiando a todos os espectadores coa súa espectacular voz.

O momento álxido da tarde chegou cando ambas artistas interpretaron varios temas en conxunto como se levaran toda a vida cantando xuntas e animando moitísimo a todo o público asistente que cantou e bailou o seu ritmo. Nun parón para que descansaran as artistas, sorteáronse varios botes de mel donados por Roberto de Cerdeira e varios queixos de produtores da zona entre os asistentes, ademais realizouse un mural e un pequeno obradoiro de graffitti para os máis novos.

Tralo sorteo as artistas seguiron actuando, ata o momento no que varios membros de RíoMola fixeron entrega de sendos ramos de flores a cada artista en agradecemento e entregáronlle ás 50 primeiras persoas que se achegaron o escenario unha maquinilla Gillette Fusion Proglide Flexball, valorada en 15€, tralo acordo de colaboración entre Gillette e RíoMola.

Despois deste segundo parón foi a ocasión para que o artista local Melín de Abelaído, interpretase un par de cancións e para que os mais cativos tiveran a oportunidade de demostrar as súas dotes de artistas nun improvisado karaoke.

Tras 8 horas do Magosto máis intenso que se recorda na zona, tocou recoller e limpar o polideportivo. A AC RíoMola chegou a un acordo coa protectora de animais A Pegada Verde para entregarlle todas as sobras da comida do Magosto. Trala entrega da comida sobrante, deuse por finalizado este Magosto que será recordado durante moito tempo polos asistentes e que marcará un listón verdadeiramente alto para o 2019.

Texto: Xosé Miguel Pérez Blecua.
Fotos: AC RíoMola.

Máis información e fotos:
https://www.osil.info/san-xoan-de-rio-mais-doce-que-nunca/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close