DeportesEspecial Cristo 2016Última hora

Un mitin obriga a cambiar o escenario da homenaxe do 50 Descenso do Sil

En lugar de no Teatro Lauro Olmo, será o venres día 9 na praia fluvial do Malecón ás 21h.
Imaxe da presentación, hai xa unha semana, dos actos conmemorativos do 50 Descenso do Sil. Foto: Sara Fontenla.
Imaxe da presentación, hai xa unha semana, dos actos conmemorativos do 50 Descenso do Sil. Foto: Sara Fontenla.

No último momento, e debido a un mitin electoral do PP, o Concello do Barco viuse obrigado a cambiar o lugar e a hora dos actos conmemorativos do 50 aniversario do Descenso Internacional do Sil. Así en lugar de no Teatro Lauro Olmo, esta celebración trasladarase ao aire libre, á praia fluvial do Malecón. O evento comezará ás 21h. do 9 de setembro coa presentación do video “50 anos do Descenso do Sil”, que recolle a historia desta relevante proba deportiva dende o seu nacemento, no ano 1966, ata a actualidade.

“Tamén se farán homenaxes especiais a persoas que foron significativas para este importante evento deportivo e inaugurarase unha exposición de cartaces titulada “Descenso do Sil, 50 anos”. Trátase dunha lona de grandes dimensións na que se recollen todos os cartaces arquivados deste evento, e que permanecerá exposta na fachada do Teatro Lauro Olmo durante as Festas do Cristo”, segundo se adianta dende a Concellería de Deportes do Barco.

Asemade está prevista unha xuntanza de piragüistas barquenses que teñen competido no Descenso do Sil ao longo da súa traxectoria coa “intención de intentar reunir a tódalas xeracións posibles en torno a este evento”, adiantan explican dende a organización.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close