Galerías de fotosSanidadeÚltima hora

Un obradoiro de cociña infantil abre a 3ª Semana da Lactación Materna do Barco

Desenvolvíase na tarde do 4 de outubro e era impartido por Trasmaio no segundo andar da Casa da Xuventude

Coas mans na masa, literalmente, comezaba na tarde do 4 de outubro o obradoiro infantil de cociña que inauguraba a terceira edición da Semana da Lactación Materna do Barco de Valdeorras. Unha vintena de cativos (entre 3 e 12 anos), seguidos de preto polos seus pais e nais no segundo andar da Casa da Xuventude barquense, desmenuzaban un biscoito que se convertía no primeiro ingrediente da receita de cake-pops que logo elaborarían. Pouco a pouco, íanse incorporando o resto dos cinco ingredientes deste doce, seguindo as indicacións dos membros de Trasmaio.

Ao final, ademais do doce feito por cada un, os participantes recibían un diploma do obradoiro e tamén as indicacións da sobremesa elaborada. O programa desta 3ª Semana da Lactación Materna, que organiza “De Nai a Nai. Grupo de Apoio á lactancia e crianza con apego”, continuará o mércores 7 de outubro ás 17:30h. coa charla entre nais “Compaxinar lactancia e traballo” no local da asociación.

Fotos: Ángeles Rodríguez
Máis información na edición en papel do Periódico O Sil

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close