Unhas 50 persoas participaban na andaina organizada por Cruz Vermella Valdeorras
Para conmemorar o Día Mundial da Saúde (7 de abril), Cruz Vermella Valdeorras organizaba un paseo saudable polas rúas do Barco. Así, na mañá do 6 de abril, medio cento de persoas saían da Casa do Río Cigüeño para percorrer en torno aos 2 quilómetros ata Viloira, regresando máis tarde ata a praza de San Mauro onde completaban a actividade, centrada na promoción e posta en práctica dos hábitos saudables coa alimentación sana, a práctica do exercicio regular e a xestión da saúde emocional, comco eixos principais.
Fotos: Mónica G. Bellver.
