A visita guiada foi organizada pola Oficina de Turismo da localidade
Cada venres dos meses de xullo e agosto, a Oficina de Turismo do concello de Trives programa unha visita guiada (a pazos, adegas, espazos naturais,…) para coñecer un pouco máis as potencialidades coas que conta o municipio.
Na mañá do venres 3 de agosto tocoulle o turno á Adega Chao do Couso cara onde partía (en torno ás 11:30h.) un grupo que era recibido pola adegueira Xiana Domínguez, que recentemente recollía unha das”Bicas de Ouro” que o Concello de Trives entregaba no marco da 56 Festa da Bica.
Xiana recibiu aos visitane cunha pequena ruta polas viñas, explicándolle o uso dos lagares romanos e as covas do Teso, rematando a visita coa cata dos seus viños na adega.
Fotos: Concello da P. de Trives.
