Baixan os positivos de Covid nos centros educativos do Barco, pero aparecen novos casos nos da Rúa e Vilamartín. Así, segundo o último listado feito público pola Xunta, rexístrase un positivo no IES Cosme López da Rúa e outro no CEIP Xosé Manuel Folla Respino de Vilamartín.
No caso do Barco, as cifras descenden. Así o CEIP Otero Pedrayo de Viloira pasa dos cinco positivos de onte, a 3, segundo os últimos datos. No resto de centros os datos son os seguintes: a Escola Infantil Los Juglares mantén 4 positivos e unha aula pechada, o Colexio Divina Pastora ten 2 positivos e o IES Martaguisela 4 positivos e unha aula pechada.
A estes datos, súmase un positivo no CEIP P. Virxe do Camiño de Rubiá, co cal os centros de educativos de Valdeorras teñen un total de 16 positivos.
Por outra banda, o IES Carlos Casares de Viana do Bolo mantén 2 positivos de Covid.