Dende a Área Sanitaria de Ourense, Verín e O Barco vén de facerse público o resultado do cribado de Covid que se realizaba ao longo da xornada do sábado 17 de abril (mañá e tarde) no pavillón polideportivo de Calabagueiros (O Barco de Valdeorras). Estaban convocadas unhas 3.000 persoas (de entre 18 e 64 anos) dos municipios do Barco e de Rubiá.
Dos 3.000 citados (aproximadamente a metade por autoinscrición voluntaria), acudía o 66,3%. En total realizábanse 1.989 probas PCR, nas cales unicamente se detectaba 1 positivo, segundo a consellería.