Un reto de 21 kms

IV Medio Maratón de Petín e III Andaina, o 7 de setembro
Foto: Carlos G. Hervella

Foto: Carlos G. Hervella

É unha cita marcada en roxo no calendario para os afeccionados ao atletismo de longa distancia. Tamén para os camiñantes, posto que dende a súa segunda edición o Medio Maratón Vila de Petín estreaba con éxito un novidoso formato que unía carreira e andaina. A organización desta dobre proba deportiva ultima os detalles da súa cuarta edición, programada para o vindeiro 7 de setembro.

A diferenza doutros anos, desta volta non será, salvo cambios de última hora, campionato galego de veteráns. En cambio, si se mantén a data fixa coa que se poñía en marcha no 2010, o primeiro sábado de setembro, así como o formato da carreira. Así os primeiros en tomar a saída dende a praza de Petín serán os inscritos na andaina, ás seis da tarde. Media hora despois serán os atletas os que inicien a competición, cuxa meta situarase asemade na mesma praza.

O percorrido (cunha distancia de 21.097 metros que discurre polos concellos de Petín, A Rúa e Vilamartín) será o mesmo de anos anteriores, nos que ten posto a proba a resistencia dos atletas pola súa dureza.

Texto: Ángeles Rodríguez Foto: Carlos G. Hervella
(Máis información na edición en papel do Periódico O Sil).

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies