Un total de 35 residentes rematan a súa formación nas unidades docentes de Ourense

Sete son de Medicina Familiar e Comunitaria; tres de Anestesioloxía e Reanimación; dous de Pediatría e Áreas Específicas; e un no resto de especialidades médicas: Medicina Preventiva, Dixestivo, Hematoloxía, Medicina Intensiva, Medicina Interna, Psiquiatría, Radioloxía e Radiodiagnóstico; Xinecoloxía, Cirurxía Xeral, Otorrinolaringoloxía e Traumatoloxía

 

Os novos especialistas no exterior do CHUO en Ourense.

 

Sae unha nova promoción de especialistas das unidades docentes da provincia de Ourense. Comisión de Docencia, equipo directivo, titores e profesionais da Xerencia de Xestión Integrada do Servizo Galego de Saúde en Ourense despedían na mañá do 16 de maio aos trinta e cinco residentes que remataron este curso a súa formación posgrao, iniciando súa carreira profesional como médicos, psicólogos, farmacéuticos ou enfermeiras especialistas nas distintas disciplinas hospitalarias e de atención familiar e comunitaria.

“Curiosamente, esta nova promoción das unidades docentes de Ourense fai patente un máximo histórico da tendencia dos últimos anos cara a feminización dos profesionais das ciencias da saúde, con só tres homes fronte a trinta e dous mulleres, o que se extende a tódalas especialidades”, destacan dende o Sergas.

O acto de clausura do Curso Académico 2017-18 comezaba cunha conferencia a cargo de Roberto Fernández Álvarez, médico especialista en Medicina Familiar e Comunitaria, do Punto de Atención Continuada de Allariz, que abordou precisamente algúns destes cambios no perfil profesional e na valoración da entre a poboación dos especialistas da saúde.

Por especialidades, os residentes que remataron súa formación como especialistas, sete son de Medicina Familiar e Comunitaria; tres de Anestesioloxía e Reanimación; dous de Pediatría e Áreas Específicas; e un no resto de especialidades médicas: Medicina Preventiva, Dixestivo, Hematoloxía, Medicina Intensiva, Medicina Interna, Psiquiatría, Radioloxía e Radiodiagnóstico; Xinecoloxía, Cirurxía Xeral, Otorrinolaringoloxía e Traumatoloxía.

Os nove restantes remataron súa formación postgrao nas especialidades de Enfermería así como en Psicoloxía Clínica, Farmacia Hospitalaria e Análises Clínicos. Ourense despide a súa primeira promoción de Enfermería Enfermería Familiar e Comunitaria, con dúas novas especialistas, asi como dúas respectivamente de Enfermería Obstétrico-Xinecolóxica, e de Saúde Mental.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies