Entre os novos casos de Covid-19 en residencias de maiores galegas que veñen de ser notificados neste 31 de xaneiro pola Consellería de Política Social figura un traballador da residencia de Domus VI de Larouco.
Trátase do terceiro traballador desta residencia que dá positivo en Covid, tras o comunicado o pasado 31 de decembro e que desaparecía da listaxe por negativizar o pasado 15 de xaneiro.
Na listaxe de novos positivos en centros de maiores ourensáns tamén figura 1 usuario residencia de maiores de Bande.
Neste momentos as residencias galegas rexistran 435 positivos entre os seus usuarios e 243 entre traballadores.
