Dende o 9 de xullo Santiago de Compostela conta cun novo goberno municipal ao fronte do cal está o ex conselleiro de Medio Ambiente, Agustín Hernández. O seu equipo está formado por trece concelleiros, pero só ten nove delegacións da alcaldía, unha menos que ata o de agora.
E dentro deste novo grupo de goberno popular está o valdeorrés Ramón Quiroga Limia, que se sitúa ao fronte da Concellería de Facenda, con competencias nas áreas de presupostos, compras e suministros e xestión tributaria.
Quiroga Limia, natural da Rúa, é licenciado en Dereito e funcionario do Corpo Superior da Administración autonómica. Ata a actualidade ten desenvolvido diversos postos como alto cargo na Xunta, entre eles, o de subdirector xeral de Promoción e Igualdade na Vicepresidencia da Xunta de Galicia.