Esta mañá un veciño do municipio lucense de Ribas de Sil resultaba ferido ao sufrir un accidente cando traballaba na súa casa cunha rebarbadora. O suceso tiña lugar ás 10:00 horas. A súa dona chamaba ao 112 Galicia para solicitar axuda e indicaba que o accidente ocorrera na casa, situada nos Vilares, Torbeo, no concello lucense de Ribas de Sil, segundo informa o 112 Galicia.
De inmediato os xestores do 112, alertaban ao Servizo de Urxencias Sanitarias de Galicia-061, que mobilizou un helicóptero medicalizado para evacuar ao paciente ata o Hospital de Monforte.
Os axentes da Garda Civil, os membros do GES de Quiroga e os efectivos de Protección Civil da localidade, tamén foron informados dos feitos polo 112 Galicia.
