ConcellosGalerías de fotosÚltima hora

Un videoclip de Mílson’s pon en valor a Ribeira Sacra e a Festa dos Fachós de Castro Caldelas

A presentación terá lugar mañá ás 12h. no Castelo, contando coa presenza do actor Rubén Riós e as actuacións en directo de Andrea Pousa e Bruxo Queiman

O Castelo de Castro Caldelas, o Mirador das Penas de Matacás de Castro Caldelas ou o Mosteiro de San Paio, son algúns dos lugares emblemáticos da Ribeira Sacra que aparecen no vídeo promocional rodado nos Fachós de Castro Caldelas por Mílson’s para dar a coñecer a historia, tradición, paisaxe, cultura, patrimonio desta paraxe e a un tempo promocionar a candidatura da Ribeira Sacra como Patrimonio da Humanidade que será presentado mañá.

O acto terá lugar ás 12h. no Salón Nobre do Castelo de Castro Caldelas e contará coa presencia do Presidente da Deputación de Ourense, o Vicepresidente e Diputado de Turismo e Cultura da Deputación de Lugo, o Presidente da D.O. Ribeira Sacra, o Presidente do Consorcio de Turismo RS, o Secretario Xeral de Política Lingüística, o Presidente da Cámara de Montealegre, o actor Rubén Riós e Alcaldesa de Castro Caldelas, contando coas actuacións Andrea Pousa e Bruxo Queiman, que interpretarán tres temas en directo.

O vídeo foi dirixido por Fabián Figueroa coa colaboración do grupo neo-folk Milson’s, Andrea Pousa, o Bruxo Queiman, Rubén Riós e veciños de Castro Caldelas coma a recentemente homenaxeada Sra. Esperanza de Quintela de Mazaira, Manolo O’Clarete, Lorena Dasilva e os grupos de música caldelaos folión O Irrio de Caldelas e a banda de gaitas Os Trabazos.

Artigos relacionados

Back to top button
Close