EconomíaEconomíaÚltima horaViticultura

Un viño valdeorrés, premiado no Concurso de Tintos Galegos de Euskadi

Neste mesmo certame tamén resultaban galardoadas dúas marcas da D.O. Ribeira Sacra
Acto de entrega do premio á adega ruesa na sede do Consello Regulador da D.O. Valdeorras./ Foto cedida.
Acto de entrega do premio á adega ruesa na sede do Consello Regulador da D.O. Valdeorras./ Foto cedida.

Valdeorras contaba cunha distinción na XV Cata-Concurso de Viños Tintos Galegos, que se organiza con motivo da celebración do XXX Día de Galicia en Euskadi. Así o mencía 2014 da adega ruesa Joaquín Rebolledo lograba o segundo premio deste certame, que se celebraba a finais de xuño en Ermua, pero cuxo premio vén de ser entregado en setembro no consello regulador valdeorrés en Vilamartín. No acto de entrega do diploma e da figuriña estivo presente Mercedes Rebolledo en representación da adega, José David Fidalgo Fidalgo, o secretario do concurso, e o presidente do Consello Regulador, José Vicente Solarat.

Nesta mesma cata resultaban distinguidos outros dous viños da Denominación de Orixe Ribeira Sacra: o mencía de Regina Viarm lograba o primeiro premio e o mencía ourensán Adega Vella, da Adega de Jorge Feijóo González (en Abeleda-A Teixeira), o terceiro.

A cata levouna a cabo a Asociación de Euskadi de Sumilleres dentro deste acto festivo que organizan dende a Irmandade de Centros Galegos en Euskadi.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close