“Unha aperta a Trevinca” o 17 de xuño para celebrar o Día da Montaña Galega

Ás 9h. partirá dende Vilanova (A Veiga) unha marcha de montaña para chegar ata Pena Trevinca (2.127 m)

Imaxe do Macizo de Pena Trevinca./ Foto: Carlos G. Hervella.

Hai 16 anos facíase un saúdo ou aperta a todas as montañas galegas dende Pena Trevinca, o teito de Galicia. Para conmemorar esa data e ao mesmo tempo celebrar o día da montaña galega, organizarase unha marcha o vindeiro 17 de xuño con saída ás 9h. dende Vilanova (A Veiga) para chegar ata Pena Trevinca (2.127 m). O acto de clausura está previsto para as 18h.

Esta iniciativa será promovida polo Club de Montañismo Montañas de Trevinca e polo Concello da Veiga. As persoas interesadas poden realizar a súa inscrición no enderezo club@montanasdetrevinca.es.

Con esta homenaxe á montaña galega, “tamén queremos pedir un maior coñecemento e unha máis efectiva protección sobre unha natureza excepcional, na que se atopan refuxiados unha boa parte dos endemismos botánicos, mamíferos, aves, insectos e reptís de gran valor medioambiental e científico”, din dende o club. “A nosa mensaxe de protección”, engaden, “resumiríase en dar a coñecer as nosas montañas, protexelas e admiralas e amalas”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies