Baixo a carballeda de Castrelo de Miño poñíase fin ao simposio “A pegada histórica do viño no Camiño de Santiago” no mediodía do 8 de setembro cunha cata de uvas da D.O. Ribeiro. Esta análise sensorial é unha cuestión clave para establecer a data de vendima, unha decisión importante e que pode determinar a calidade dun viño, tal e como explicaba a directora técnica do CRDO Ribeiro, Nuria Álvarez.
Nesta cata estúdanse os componentes básicos da baga da uva: pulpa, hollejos e pebidas, valorando en cada un deles unha serie de parámetros. “Para facer a análise sensorial selecciónanse varios acios do viñedo de forma aleatoria, dos cales degustaranse tres bagas, emitíndose unha conclusión ao terminar a degustación”, segundo a técnica.
Neste caso os asistentes ao simposio realizaban a análise de catro variedades de uvas desta denominación: das brancas treixadura, lado e loureira e da tinta sousón. Concluíase que nos catro casos aínda faltaban uns 10 días para lograr unha axeitada maduración para a vendima.
Tras a cata, podía verse unha exposición de acios das variedades de uva amparadas pola D.O. Ribeiro, tanto brancas como tintas.
Fotos: Ángeles Rodríguez
Máis información e fotos:
https://osil.info/dos-lagares-rupestres-castrexos-a-actualidade-seguindo-a-impronta-do-vino-no-ribeiro/