O subdelegado do Goberno en Ourense, Roberto Castro, recibía na mañá do 16 de marzo a unha delegación da cultura arxentina (artistas, empresarios, editores..), que estaba encabezada polo presidente do Consejo de Promoción Cultural del Ministerio de Cultura arxentino, Juan Manuel Beati e polo ex conselleiro de Educación e Cultura da Xunta de
Galicia, Víctor Manuel Vázquez Portomeñe.
A delegación visita Ourense para para coñecer de preto o tecido cultural da provincia de cara a seguir afondando na estreita relación existente entre Galicia e Arxentina, tal e como se informa dende a Subdelegación.
