O Plan de Dinamización da ruta, a sinalización e a visita dunha delegación xaponesa que fará este camino de peregrinación, son algúns dos puntos tratados na primeira asemblea xeral da Asociación de Municipios do Camiño de Inverno a Santiago.
A xuntanza tiña lugar na mañá do 9 de maio na Casa da Cultura de Quiroga concello que forma parte da directiva, á que asistían varios alcaldes e representantes dos 23 municipios que forman este colectivo, entre eles os alcaldes de Vilamartín de Valdeorras que asume a vicepresidencia e a concelleira de Comercio e Turismo do Barco, Irene Dacal, ademais da alcaldesa de Ponferrada, Gloria Fernández como presidenta.
A propia Gloria destacou a internacionalización da asociación, trala presenza en Fitur, coa visita da delegación nipona que se contempla dentro dos actos do 150 aniversario do establecemento de relacións diplomáticas entre Xapón e España e a peregrinación terá lugar o día 28 de maio no tramo que corresponde ao Bierzo “cun acto central no que nos acompañarán a plantar cerdeiras fronte ao noso castelo”.
En canto ao plan para dotar de servizos e infraestruturas ao Camiño de Invierno, plantexarase o apoio económico ás diferentes administracións públicas, tanto galegas como leonesas, avanzando asemade nos contidos da páxina web para promocionar a ruta fóra das nosas fronteiras.
Na asemblea tamén se deu conta aos membros, da solicitude formal do Concello de Silleda (Pontevedra) para entrar na Asociación.
Fotos cedidas.
