CulturaCulturaÚltima hora

Unha fíbula romana con esmalte, “Peza de Xuño” do Museo Arqueolóxico Provincial de Ourense

A súa presentación terá lugar o 12 de xuño ás 20h. na sala da exposición “Escolma de Escultura” en San Francisco (Ourense) e correrá a cargo de Ana María Veiga
Fí’bula tipo Feugre que apareceu nos traballos arqueoló—xicos dirixidos por Celso Rodrí’guez en 1996, no solar chamado Pompeo (Instituto Otero Pedrayo) en Ourense./ Foto: Fernando del Río.

As fíbulas (broches de metal moi usados en época romana para suxeitar os extremos dunha vestimenta) son bastante comúns en museos e coleccións, pero raras nas escavacións. De aí que a “Peza de Xuño” do Museo Arqueolóxico Provincial de Ourense, unha fíbula con esmalte, posúa “un gran valor testemuñal como fósil director“, tal e como destaca Ana María Veiga Romero, que será a encargada de presentala o vindeiro mércores 12 de xuño ás 20h na sala da exposición “Escolma de Escultura” en San Francisco (Ourense).

Esta peza, de bronce e esmalte champlevé, atopábase durante os traballos arqueolóxicos que dirixía Celso Rodríguez en 1996 no solar da antiga pista deportiva do Instituto Otero Pedrayo, asociada a estruturas altoimperiais. Esta fíbula, do tipo Feugère, representa a figura dun animal, en concreto dun galináceo ou pavón.

“A precisión do traballo na peza apréciase no tratamento do ollo, resaltado por tres círculos concéntricos incisos, e na separación entre o corpo e o pescozo, por medio dunha pequena franxa de liñas verticais incisas. Está decorada nas ás con pequenas manchas de esmalte en cor azul e incrustacións vítreas en cor verde e vermello, e de cor verde e negro antracita, na cola”, segundo indica Veiga Romero na publicación sobre a peza realizada polo Museo Arqueolóxico Provincial de Ourense.

A cronoloxía que se lle atribúe é do século II. “Moitas destas fíbulas con motivos figurativos poderían ter unha función apotropaica, como mecanismo de defensa máxico ou sobrenatural, ou estar asociadas a diferentes divindades”, engade Ana María Veiga.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close