OurenseÚltima hora

Unha marcha percorrerá o centro da cidade de Ourense para sensibilizar sobre a problemática das persoas xordas

A cita será o vindeiro sábado 28 de setembro con saída desde o pavillón dos Remedios

Reunión do alcalde de Ourense, Gonzalo Pérez con membros da Asociación de Persoas Xordas de Ourense para avanzar sobre o programa.

 

A asociación ourensá e a Federación Galega de Persoas Xordas desenvolverán o día 28 de setembro en Ourense un programa de actividades participativas e de sensibilización, destinadas a dar a coñecer a realidade e as problemáticas que afectan a este colectivo, coincidindo coa conmemoración do Día Internacional de Persoas Xordas.

A celebración , que cada ano se leva a cabo de forma itinerante entre diferentes cidades galegas terá como sede este ano Ourense para celebrar os 45 anos de actividade que cumpre a asociación ourensá e comezará pola mañá cunha marcha de visibilización, que sairá desde o pavillón dos Remedios e percorrerá o centro da cidade (praza de Concepción Arenal, rúa Concello, Paseo e Lamas Carvajal) ata rematar na praza Maior, onde se lerán discursos e se realizará unha mostra de poesía en lingua de signos.

Pola tarde, na escalinata de Santa María Nai desenvolveranse desde as 16:30 horas diferentes actividades culturais, como espectáculos de humor xordo e mimo, e de deporte e saúde, cunha clase de zumba. Tamén durante a fin de semana do 28 ao 30 de setembro, a Ponte Romana iluminarase de cor para conmemorar esta celebración.

A organización prevé reunir na cidade máis de 300 persoas procedentes de toda Galicia.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close