Arredor das 14h. deste luns 20 de xullo unha veciña do Barco resultaba ferida tras caer dende un cuarto piso á rúa na avenida Conde Fenosa, moi preto do Hospital Público de Valdeorras.
Ata o lugar do suceso desprazábanse de inmediato efectivos de emerxencias, entre eles o 061, a Garda Civil e a Policía Local. A muller foi trasladada en helicóptero para ser atendida no Hospital de Ourense.