ConcellosGalerías de fotosÚltima hora

Unha multitudinaria Romaría da Tuíza

Esta celebración na honra da Virxe das Neves en Lubián incluía, ademais dos actos relixiosos, unha mostra de artesanía, música e unha degustación de vitela

Superábanse todas as expectativas. Multitude de persoas se reunían na xornada do 27 de setembro para participar na Romaría da Tuíza en Lubián. O programa encetábase a partires das once da mañá coa apertura da Feira de Artesanía de Produtos da Terra, na que ademais de pan, doces e outro tipo de delicias gastronómicas, podían atoparse obxectos de artesanía, e, como novidade, cervexa artesá da zona, pero tamén de Galicia con marcas como A Cova da Serpe, Pardao, Monte Rei ou Bubela.

Outro dos actos de referencia era a procesión, ás 13h., na honra da Virxe das Neves, na que soaba a música da da Banda As Portelas. Xa pola tarde o ambiente animábase e eran moitas as persoas que bailaban e cantaban ao ritmo da orquestra La Oca.

E tras a orquestra, tiña lugar unha degustación de vitela asada ao espeto e preparada por membros do equipo de Karlos Ibarrondo. Os preparativos desta suculenta carne comezaban xa a primeira hora da mañá, en torno ás oito. Iniciábase entón un proceso de asado ao ferro con carbón vexetal de dúas vitelas (unha de 200 quilos e outra de 220) de 12 horas de duración.

As previsións superábanse e as carpas do recinto enchíanse rapidamente, o que obrigaba á organización a improvisar postos para atender aos visitantes, que pagaban tan só un euro pola degustación. “Nas carpas sempre había sitio para a xente, pero este ano non foi así”, explicaba o alcalde de Lubián, Felipe Lubián, que cedía o seu lugar na mesa a outra persoa. O rexedor amosábase satisfeito e sinalaba que “a romería está collendo auxe e tamén axudou o bo tempo. Este ano creo se superaron todas as expectativas”.

Asemade destacaba a gran cantidade de público asistente ás verbenas celebradas en Lubián na noite do 25 de setembro, co grupo Cañón, e na do 26, coa orquestra Panorama. “Foron un éxito. Houbo xente que na noite do 26 de setembro tivo que aparcar a 2 km de onde estaba o espectáculo porque tiñamos a estrada cortada”, engade Felipe Lubián.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close