ConcellosÚltima hora

Unha nova e ilusionada directiva ponse á fronte do Casino do Barco

Un dos principais obxectivos é a captación de socios, así como organizar polo menos unha actividade ao mes

A nova directiva e colaboradores do Casino do Barco. /Foto cedida.

 

Xente “xove, viva, desinteresada e con ganas de que o edificio sexa o que debe ser… o noso casino”, conforma a nova directiva da sociedade, que era presentada na tarde do 16 de febreiro trala asemblea.

Xunto a Pablo Dobao Vega como presidente, están José Carlos Vilor Alonso, vicepresidente; María Josefa Fidalgo Fidalgo, secretaria; Marta Vidal Lameiro, vicesecretaria; Marta Arias Moral, tesoureira; e Roberto Fernández Pérez, vicetesoureiro. Os vogais son: Yahel Martín Valcarce, Daniel Trincado Fernández, Alberto Domaica García e Manuel Prada García. Son os dez membros iniciais aínda que tal como explica o presidente, que xa formaba parte da anterior directiva (á fronte do Casino durante seis anos), de cara ao futuro tamén formarán parte Diego Seco, M. Alejandro Prieto, Juan J. Pardo e Javier Ferrer, “porque neceistamos axuda para todas as actividades que queremos levar a cabo”, asegura Pablo.

Con respecto aos obxectivos para esta nova etapa, a principal é a captación de socios, esencial para que funcione, “e para iso hai que facer cousas e a idea é organizar polo menos unha actividade ao mes”, di Pablo. Actividades de índole moi variada (cultural, social, musical, gastronómica,…) para que os futuros socios interveñan e “sintan que a sociedade si paga a pena”. Tamén esperan continuar e aumentar a colaboración recíproca coas diferentes asociacións, clubs e organismos públicos do concello “para dinamizar a localidade e que a Sociedade Casino sexa partícipe dos actos que se poidan organizar”; así como o aluguer de salas para actos diversos.

De cara ao futuro, a nova directiva potenciará a mellora de instalacións e a súa decoración para adecualas aos novos tempos, igual que os estatutos, esperando ademais fomentar a participación dos non socios en actos “con acceso mediante o abono de entrada”. Ademais, convida a todo aquel que queira a aportar melloras e ideas positivas para este novo proxecto que precisa do seu tempo para obter resultados.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close