Pasadas as 15:15 horas deste martes 31 de maio producíase un accidente de tráfico na Gudiña. No Km 1 da estrada entre Vilariño e A Gudiña, a uns 150 metros do casco urbano, un vehículo todoterreo saíase da estrada e caía por un desnivel ata acabar envorcado.
Ata o lugar dos feitos desprazábase o equipo do GES da Gudiña, a Garda Civil de Tráfico e unha ambulancia do 061 cun médico e unha enfermeira.
Tal como explican os servizos de emerxencia presentes no lugar, o condutor e único ocupante do vehículo resultaba ferido leve sendo trasladado ata o hospital de Verín.
Fotos cedidas.
