Un home sufriu feridas de diversa consideración ao caer desde unha altura duns cinco metros mentres traballaba nunha canteira en Carballeda de Valdeorras, na parroquia de Santa Cruz, tal e como informa o 112 Galicia.
O 112 Galicia recibía o aviso do accidente arredor das 13:15 horas de inmediato alertouse ao persoal de Urxencias Sanitarias de Galicia-061, que mobilizou un helicóptero medicalizado ata unha zona próxima ao lugar onde se produciu o accidente laboral.
Ademais, para prestar apoio ao equipo médico desprazado na aeronave, os xestores de Emerxencias 112 solicitaron a intervención da Garda Civil e dos efectivos do GES de Valdeorras, segundo o 112 Galicia.