OurenseÚltima hora

Unha ruta interpretativa para coñecer o xacemento de San Salvador de Todea en Allariz

A iniciativa forma parte do Proxecto Sancti Salvadoris, desenvolvido por membros do Geaat

O xacemento de San Salvador de Todea, situado en Allariz, poderá ser coñecido a través dunha ruta interpretativa. Esta iniciativa forma parte do Proxecto Sancti Salvadoris, desenvolvido por membros do Grupo de Estudos de Arqueoloxía, Antigüidade e Territorio (Geaat) da Universidade de Vigo. O xacemento está composto por un castelo en fundación alto medieval e unha necrópole escavada na rocha a escasos metros da aldea de San Salvador dos Penedos, no Concello de Allariz.

 

Paneis informativos colocados polo Geaat.

 

Baixo a dirección dos arqueólogos Adolfo Fernández e Patricia Valle e coa colaboración do Concello de Allariz, o proxecto pretende estudar e valorizar este enclave. Grazas ás tres intervencións sucesivas de escavación e restauro realizadas e a posta en marcha deste roteiro, indican desde o grupo de investigación, “agora pódese visitar o xacemento seguindo un percorrido interpretativo que parte da aldea de San Salvador e visita os restos do castelo de Todea, a súa necrópole altomedieval asociada e outros elementos naturais e paisaxísticos, como a fonte do Ouver”.

Os visitantes poden informarse da historia do xacemento e do proxecto ao longo do percorrido, de algo máis dunha hora de duración, nos paneis informativos. Para a sinalización da ruta, o Geaat encargou a Iago Araújo un debuxo que recrea o castelo de Todea no século XIV. “A recreación fíxose en base á planimetría orixinal e ao seu emprazamento, é dicir, con rigor científico”, comenta Adolfo Fernández.

Tags

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close