CulturaCulturaEducaciónÚltima hora

Unha trintena de alumnos do instituto “Santiago Apóstol” de Bos Aires visitan a Deputación

Os rapaces foron recibidos no Salón de Plenos polo presidente da Deputación, Manuel Baltar, e estiveron acompañados polo presidente do PEN Galicia, Luís González Tosar
Manuel Baltar, con alumnos do Instituto Santiago Apóstol, no Pazo Provincial.

Unha trintena de alumnos e profesores do Instituto arxentino-galego “Santiago Apóstol” de Bos Aires, que están a realizar unha viaxe de estudos a Galicia visitaron hoxe, 2 de outubro, o Pazo Provincial da Deputación de Ourense onde foron recibidos polo presidente do Goberno provincial, Manuel Baltar no Salón de Plenos.

A visita da promoción de 2017 deste centro formativo ten como obxectivo seguir estreitando lazos galegos cos estudantes para dar a coñecer as súas raíces dos seus devanceiros así como a actual realidade social e cultural de Galicia, apuntan dende a Deputación. Na súa visita, os estudantes estiveron acompañados polo presidente do PEN Galicia, o escritor Luís González Tosar.

Manuel Baltar agradeceulles “que sigades mantendo viva a nosa lingua e as nosas tradicións a milleiros de quilómetros da nosa terra, nese país irmán que é Arxentina, desde onde seguides facendo Ourense e Galicia con diálogo e convivencia, á vez que innovando para o progreso dos nosos territorios”.

Manuel Baltar destacou “as características do noso pobo: traballador, creativo e emigrante, á vez que valente”, e falou da singularidade da provincia de Ourense, que tanto valor humano, histórico, etnográfico e cultural ten achegado, citando a persoeiros como Blanco Amor, a riqueza termal da nosa provincia, “o territorio de Europa con máis capacidade en augas termais”, e subliñando o labor intelectual de Luis González Tosar, “integrante da Academia Arxentina das Letras, feito que tamén contribúe a posicionar a Ourense”. “Desde a provincia máis internacional de España, Ourense, que conta co maior número de quilómetros de fronteira (219, con Portugal), agradézovos este momento emotivo da vosa visita”, expresou o presidente.

Pola súa banda, González Tosar díxolles aos alumnos que sempre “seredes expertos en galeguidade, o que axudará a seguir mantendo ese vínculo tan estreito entre os nosos territorios, entre unha terra xenerosa e plural como Arxentina, que recibiu cos brazos abertos a moitos ourensáns e galegos”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close