Unha versión cómica e en verso de “Drácula” co selo de Abubukaka, no Barco

Noventa minutos para achegar un clásico da literatura de terror, con outra mirada, en clave de humor e en verso.
A compañía canaria Abubukaka, de xira por Galicia, presentará o vindeiro sábado 3 de novembro ás 20h. no Teatro Lauro Olmo do Barco a súa exitosa adaptación do “Drácula” de Bram Stoker.

Unha catedral cun órgano móbil será o escenario principal para contar a historia do conde das tebras cunha posta en escena de forma crítica, amplas doses de comicidade e cun certo aire de cabaret.