O recinto feiral de Expourense acollerá os vindeiros 14 e 15 de novembro o, 1º Congreso Ibérico de Turismo Deportivo, de forma paralelae complementaria á terceira edición de Sportur Galicia, Salón del Deporte e Turismo Activo.
Este Congreso está organizado pola Secretaría Xeral para o Deporte, a Axencia Galega de Turismo, a Deputación Provincial de Ourense e Expourense e conta coa colaboración da Asociación do Deporte Español e do Concello de Ourense. Tratase dun evento dirixido aos profesionais do sector como poden ser as federacións deportivas; pemes e autónomos do sector do deporte e do turismo; axencias de viaxes; clubs e empresas do deporte; alumnado e profesorado de ensinanzas deportivas ou turísticas; e Administraciones públicas con competencia nestas materias.
Oprograma dividirase en cinco eixos (políticas públicas; turismo activo e náutico; eventos deportivos; desenvolvemento de destinos; e simbiose deporte-turismo) e contará coa participación de 20 ponentes de España e Portugal que son expertos en turismo deportivo. No congreso darán a coñecer casos de éxito de destinos e modelos españois e internacionais “que poiden ser adaptados e reproducidos por outras entidades e que poden resultar inspiradores para o desenvolvemento económico sostible de destinos turísticos en todo o mundo”, explican dende Expourense, adiantando que ademais “analizaranse as sinerxias existentes entre os sistemas deportivo e turístico, das que xurdirán oportunidades e ideas para as entidades e persoas que conforman ambos sistemas”.
A inscrición para participar no congreso é gratuíta e debe facerse a través da web www.congresoturismodeportivo.com.
