DeportesÚltima hora

Unha vintena de metais e dous récords galegos para o Adas no galego máster

Destacaban os tres ouros de Luis Nogueira en M60, así como os récords autonómicos de Manuel García
O atleta de San Vicente Luis Nogueira, durante un control no Barco./ Foto: A.R.

Chuvia de medallas para os atletas veteranos do Club Adas Barco que acudían o 16 de xuño ao XXXI Campionato de Galicia Máster en Pontevedra. Algúns deles chegaban a sumar ata tres ouros na cita como é o caso do vilamartinés Luis Nogueira en M60 que ganaba en peso, disco e, por suposto, xavelina. Tres metais acadaba tamén José Manuel Almudi en M75 con ouros en martelo e martelo pesado e unha prata en disco.

Pola súa banda, Agustín Pontevedra conquistaba o título galego en M35 nos 110 valados e na pértega, mentres José Manuel Bao era ouro nos 100 M60 e nos 200m e Manuel García Alfonso colleitaba o ouro en M75 nos 100 m e na lonxitude, xunto cunha prata en peso. Este atleta de Arcos rexistraba ademais dous novos récords galegos cunha marca de 19.95 nos 100 e con outra de 2,37 m na lonxitude.

Subíanse tamén ao podio Luis Campos Sánchez en M50 en probas como os 100m para recoller a medalla de ouro, Jesús García lograba o ouro en peso M40 e Marco Rodrigues o bronce nos 5.000 m M35, mentres que Francisco Bao era ouro en xavelina M65 e prata en disco e peso.

Este campionato galego máster estivo marcado “por unhas importantes cifras récord tanto no que atinxe a resultados, como sobre todo, ao número de participantes, que amosan a gran evolución deste colectivo nas probas de pista nos últimos anos”, tal e como se destaca dende a Federación Galega de Atletismo (FGA).

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close