A dobre proba atlética, celebrada na tarde do 23 de xuño, estivo organizada polo Concello
Correndo e andando. Eran as dúas posibilidades que tiñan as 140 persoas (entre nenos e adultos) que na noite de San Xoán (23 de xuño) participaban na IV edición da carreira e andaina popular organizada polo Concello do Barco de Valdeorras.
Nunha das tardes máis calurosas do ano, os maiores percorreron un circuíto duns 4,5 quilómetros con saída e meta na praza de Viloira (pasando por lugares como O Salgueiral ou O Malecón), mentres que os máis pequenos completaban un circuíto adaptado para eles, no entorno da Casa Grande.
A recompensa ao esforzo, acentuado polas altas temperaturas, tiña lugar ao rematar a proba: unha boa ración de panceta á grella e o sorteo de agasallos, acompañados de música.
Fotos: Carlos G. Hervella.
