Unhas 150 persoas participan no XXVIII Día da Bici, na Pobra de Trives

A actividade reuniu a nenos, pais e avós para percorrer as rúas da localidade

Tamén na Pobra de Trives se deixaba sentir o intenso calor esta fin de semana, pero iso non impedíu que o Día da Bici, que vai xa pola XXVIII edición, volvese ser todo un éxito.

En torno aos 150 participantes entre grandes e pequenos sacaron as bicis a pasear polas rúas de Trives na mañá do domingo 5 de agosto. Unha actividade “moi familiar que cada ano nos deixa imaxes de pais e nais, nenos e nenas e avós e avoas, desfrutando do deporte xuntos, facendo desta unha tradición nos veráns triveses”, aseguran dende o Concello.

A saída foi ás 12 da mañá dende a praza de Abastos con dous percorridos distintos: un de 500 metros aproximadamente para os pequenos de ata os 9 anos; e outro de algo máis de 3 quilómetros para o resto.

Como cada ano, sorteáronse dúas bicicletas entre os participantes e os gañadores foron: Kaloyan Ivanov Atanasov (Koko) na categoría de 0 a 9 anos e Tony Rodríguez na categoría de 10 anos en adiante, premios que foron entregados polo alcalde Domingo Diéguez.

Na organización, Belén Corbacho e Tino Sierra, coa inestimable colaboración da Policía Local e Protección Civil da Pobra de Trives.

Fotos: Concello da Pobra de Trives.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies