Unhas 20 persoas fórmanse en enoturismo en Valdeorras

Entre o 11 e o 21 de xuño impártirase no Centro de AEVA no Barco un curso sobre creación, promoción e comercializacióin de produto enoturístico da man de Mercedes González

Coñecer o mundo do turismo enolóxico dende o punto de vista da oferta e diferencialo doutros tipos de turismo, aplicando estratexias de posicionamento do produto enoturístico e promovendo a creatividade na creación do mesmo. É un dos obxectivos que se perseguen co curso “Creación, promoción e comercialización de produto enoturístico” que comezaba a desenvolverse no centro de formación de AEVA no Barco na tarde do 11 de xuño.

Unhas vinte persoas asisten a esta acción formativa que imparte a sumiller e asesora Mercedes González e que se prolongará ata o vindeiro 21 de xuño, o que suporá un total de 34 horas de duración. “Trátase de xerar unha bolsa de profesionais capacitados para cubrir os postos que demanda o sector do enoturismo, que comprendan o funcionamento dos destinos e estruturas turísticas e que desenvolvan estratexias de comunicación co uso das novas tecnoloxías”, segundo AEVA.

O curso abordará temáticas como o turismo enolóxico, o perfil do turista, as principais canles de distribución deste tipo de turismo, a comunicación en relación con este sector e o uso das novas tecnoloxías ou o produto enoturístico (concepto e tipos), entre outras.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies