O xantar, servido por Mantesil, tiña lugar na Teixeira no mediodía do 17 de decembro
A carpa, instalada na praza de Abeleda (A Teixeira), acollía no mediodía do domingo 17 de decembro o xantar da primeira edición da Festa do Cocido da Ribeira Sacra que contou cuns 200 comensais.
Elaborado e servido por Mantesil, o menú estivo formado por sopa de cocido; cocido (carne, pata, orella, chourizos, lacón, garavanzos, patacas e verdura); postre (bica manteigada); viño da Ribeira Sacra (Adega Vella, Peza do Rei e Alodio); café e chupitos.
A festa, chamada a ser “un referente na zona da Terra de Caldelas e arredores”, estivo organizada pola Asociación Comisión Festas Abeleda (A Teixeira).
Fotos: Carlos G. Hervella.