Publicidade
DeportesÚltima hora

Unhas 26 persoas participaban nunha complicada marcha “O Nadal en Pena Trevinca”

Realizábase o pasado 30 de novembro con saída dende Vilanova (A Veiga)

 

A meteoroloxía non acompañaba. O pasado sábado día 30 de novembro presentábase con tódalas características posibles dunha época invernal xa dende primeira hora. “A forte choiva e inda máis o forte vento, indicaban un día complicado que ía a por a proba o grande entusiasmo e forma física dos 26 participantes nesta actividade de O Nadal en Pena Trevinca“, explican dende o Club Montañas de Trevinca, promotor de esta actividade de alta montaña

O grupo partía dende Vilanova (A Veiga)  e, unha vez que  chegaba ao Sestil Alto, a case 2.000 m; as condicións meteorolóxicas complicábanse aínda máis, “cunha rápida baixada de temperatura e cunha intensa nevarada, acompañada de forte vento e baixa visibilidade. Para non pór en evidente risco obxectivo aos participantes, aprazouse a actividade e renunciouse nese día a poder chegar a Pena Trevinca e poder instala-lo xa tradicional Belén da Cima de Galicia“, comentan dende a organización da marcha.

Ademais lembran que “as normas básicas de seguridade do grupo, deben ser elemento prioritario nun deporte coma o montañismo, sobre todo con fortes características invernais e condicións moi desfavorables”.

Sen embargo, non se renunciaba ao obxectivo de colocar o nacemento no teito galego. E así, dous días máis tarde, o martes día 3 de decembro, xa quedou instalado “o noso/voso pequeniño e simbólico Belén. Grazas a tódolos/as participantes pola súa deportividade, entusiasmo e fortaleza nesa dura, pero interesante xornada do pasado sábado nestas fermosas Montañas de Trevinca, nalgunhas ocasións con moi mal carácter (coma debe ser)”, resaltan dende o Club de Montañismo Montañas de Trevinca.

Fotos: cedidas polos participantes.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close