Publicidade
ConcellosO BarcoÚltima hora

Uns 115.000 euros para a pavimentación da zona das Airas no Barco

A actuación ten un prazo de execución de 3 meses e consiste na canalización e soterramento dos servizos aéreos nesta parte do casco vello da vila

As obras terán lugar na rúa das Airas, praza das Airas e rúa do Forno, no caso vello do Barco ./ Foto: A.R.

 

Por algo máis de case 115.000 euros veñen de licitarse as obras de pavimentación da praza das Airas, en pleno casco vello do Barco de Valdeorras. A actuación, cun prazo de execución de 3 meses, consiste na canalización e soterramento dos servizos aéreos na praza das Airas e nas rúas das Airas e do Forno, coa pavimentación da praza e das rúas colindantes mediante adoquinado de granito.

Para isto será preciso demoler e retirar case 200 m2 de pavimento de formigón existente na zona, colocar unha nova rede de alumeado e das redes de comunicación, así como os tendidos aéreos na zona, para reducir o impacto visual destas infraestruturas.

A zona da praza das Aira, e as rúas próximas presentan “un aspecto moi deteriorado, debido ás distintas reposicións do mesmo material noutras actuacións puntuais anteriores e ao longo das fachadas seguen a decorrer de xeito aéreo o cableado dos servizos de alumeado, enerxía e comunicacións”, tal e como informa a Consellería de Medio Ambiente, Territorio e Infraestruturas.

Así, con esta intervención completarase a urbanización que se recolle no Plan Especial de Reforma Interior (PEPRI) do Casco Antigo do núcleo do Barco de Valdeorras, que recolle actuacións (xa executadas) na Rúa real e San Roque, así como na Rúa San Mauro.

A obra que vén de licitarse no Concello do Barco de Valdeorras enmárcanse dentro do chamado Plan Hurbe.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close