A competición nas categorías base volvía ás pistas de Calabagueiros (O Barco) na tarde do 26 de outubro. Uns 120 atletas participaban na primeira das tres xornadas previas da VIII Liga Abanca de categorías menores (Sub10, Sub12 e Sub14) de inverno. Había rapaces e rapazas das escolas de atletismo do Barco, da Rúa e de Trives, así como do Club Adas, do Club Atletismo Rúa e do colexio de Viana do Bolo.
O programa comezaba ás 16h. coas probas de salto de valados (0,84) Sub14, co salto de lonxitude Sub12 e co lanzamento de peso Sub10, nos tres casos nas categorías masculinas. A partir de aí ían desenvolvéndose as diferentes probas ata chegar aos 60 metros lisos.
Esta xornada ten sido organizada pola Delegación Valdeorresa da Federación Galega de Atletismo (FGA) co control do Comité Valdeorrés de Xuíces da FGA.
Fotos: Carlos G. Hervella
