A ruta, de 40 quilómetros, discorreu por sendeiros de todo o municipio
Un ano máis, o domingo previo ás festas de Santiago Apóstolo e Santa Ana, celebrábase a marcha BBT polas estradas e camiños do municipio de Petín. Uns 130 cilistas participaban na proba, endurecida polas chuvias caídas na fin de semana, que tiña como punto de partida a praza Manuel Quiroga, na mañá do domingo 20 de xullo.
Dende aí, os ciclistas iniciaron o percorrido duns 40 quilómetros polo entramado de rúas da vila, antes de continuar por camiños e sendeiros con espectaculares vistas, rumbo aos diferentes pobos do concello.
A proba é organizada pola Asociación Cultural Fonte Grande, e remataba coma sempre cun xantar no Teleclub.
