ConcellosEn portadaÚltima hora

Uns 180.000 euros para o equipamento do Observatorio Astronómico da Veiga

O Consello da Xunta vén de autorizar a sinatura dun convenio de colaboración entre a Consellería de Medio Ambiente e o Concello

Dende a Consellería de Medio Ambiente, Territorio e Vivenda destinaranse 180.268,04 euros a dotar ao Observatorio Astronómico da Veiga do equipamento necesario para a súa posta en funcionamento. Así se acordaba durante a reunión do Consello da Xunta deste 12 de setembro. Nela autorizábase a sinatura dun convenio de colaboración entre Medio Ambiente e o Concello da Veiga no cal “se concreta a achega económica da Xunta e o compromiso municipal para que a consellería poida desenvolver nestas instalacións novos programas e actividades no marco das súas competencias”, segundo a Administración autonómica.

Unha vez que se complete a dotación interior do edificio, este observatorio poderá poñerse en marcha. Será o primeiro centro destas características na provincia de Ourense, xa que en Galicia hai outros tres centros: o Observatorio Astronómico de Cotobade, o Observatorio Astronómico de Forcarei e o Observatorio Ramón Aller, dependente da Universidade de Santiago.

Esta observatorio veigués está localizado nos montes de Corzos de Valdín, a uns 1.700 m de altura, en Pena Trevinca. Esta zona foi declarada destino turístico Starlight no ano 2015, sendo o primeiro lugar de Galicia en obter esta certificación internacional avalada pola Unesco e que acredita a calidade dos seus ceos nocturnos e a súa condición de área de observación privilexiada.

“O novo Observatorio Astronómico da Veiga favorecerá aquelas actividades sustentables que posibiliten a divulgación do medio natural e que inclúen a interpretación do patrimonio natural como unha oferta dos seus servizos. Así mesmo, fomentará as actividades turísticas no concello e na comarca na que se localiza, o que incidirá na mellora da economía e na calidade de vida das poboacións rurais da súa contorna”, segundo a Xunta de Galicia.

Fotos: Carlos G. Hervella.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close