DeportesÚltima hora

Valdeorras acollerá, o 1 de decembro, unha proba de enduro extremo

A I Xtrem A Rúa desenvolverase no entorno da Cooperativa Virxe das Viñas e tamén por Fontei, Vilela, Somoza e San Xulián

Participante na proba de enduro celebrada no mes de xuño na Rúa. /Foto: Carlos G. Hervella.

 

A afección polo enduro na comarca de Valdeorras está máis patente que nunca e despois do éxito de participación e organización da penúltima proba da Liga Galega da Moto de Campo celebrada a comezos de xuño, A Rúa prepárase para unha nova carreira, desta volta de enduro extremo.

A I Xtrem de Valdeorras, puntuable para o Trofeo Luso-Galaico Hard Enduro, celebrarase o 1 de decembro en horario de mañá e de tarde. “Ás 8h. comezarase coa entrega de dorsais e o primeiro piloto sairá en torno ás 10h. O final está previsto para as cinco da tarde coa entrega de premios”, adianta Ramiro Folla de Rúa Motor, un dos organizadores. El mesmo explica que a crono test desenvolverase no entorno da Adega Cooperativa Virxe das Viñas mentres que o circuíto discorrerá por Fontei, Vilela, San Xulián e Somoza. “Os participantes nas categorías pro e expert darán dúas voltas mentres que o resto de endureiros darán unha”, puntualiza Ramiro.

A carreira, con premios para as diferentes categorías (pro, expert, 2t, 4t, parellas e veteranos) celebrarase o domingo, pero o sábado pola noite haberá unha cea para os inscritos e acompañantes nun recinto enfronte da cooperativa, na rúa Campogrande, onde estará tamén o parque pechado.

A proba, organizada pola LGMC e Melicias Team de Portugal conta coa colaboración do Concello da Rúa, da Deputación de Ourense e da Asociación Sabugueiro da Rúa Vella, entre outros.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close