Galerías de fotosSanidadeÚltima hora

Valdeorras celebra o Día da Cuestación da Asociación Española Contra o Cancro

Voluntarias da AECC recadaron cartos na Rúa, O Barco e Ourense para seguir loitando contra esta enfermidade

Segundo os datos da Asociación Española Contra o cancro (AECC), máis de 1,5 millóns de persoas en España están afectadas por esta terrible enfermidade. “Cada ano diagnostícanse ao redor de 200.000 novos casos e un de cada tres homes e unha de cada catro mulleres padecerán cancro ao longo da súa vida”, aseguran.

Con este panorama, o traballo que desenvolven ten máis sentido que nunca e por este motivo hoxe, 22 de xuño, a AECC saía á rúa a recadar fondos para “seguir traballando no que vén facendo na provincia de Ourense desde hai 25 anos: loitar contra o cancro”.

Na cidade de Ourense facíano con mesas de cuestación repartidas en diferentes puntos (Covadonga, Delegación de defensa, Puente, CHUO, Juan XXIII, Paseo, A Follateira,…); na Rúa, diante de Confecciones Mondelo (rúa Progreso); e no Barco de Valdeorras na praza do Concello.

As voluntarias da AECC de Valdeorras entregaban unha flor de iris (símbolo de esperanza) a cambio dos donativos que permitirán á asociación continuar financiando proxectos en investigación oncolóxica, seguir realizando programas de apoio e acompañamento á persoa enferma e á súa familia e incidir en campañas de prevención e detección precoz da enfermidade.

Fotos: Mónica G. Bellver e Carlos Asensio.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close