Segue subindo a incidencia do Covid no Barco, que neste 29 de decembro bate un novo récord e sitúase en 242 positivos, segundo os últimos datos feitos públicos pola Consellería de Sanidade (actualizados ás 18h. de onte). Son 24 máis que onte.
No resto da comarca os datos mantéñense máis ou menos estables, pero cunha suave tendencia á alza. Así Valdeorras rexistra neste 29 de decembro un total de 349 positivos por coronavirus (24 máis que onte), segundo as cifras do Sergas actualizadas ás 18h. de onte.
Ademais do Barco, hai outros cinco municipios con incremento de casos, aínda que moi lixeiros: O Bolo cun total de 4 positivos (2 máis que onte), Carballeda de Valdeorras con 10 (1 máis que onte), Rubiá con 5 positivos (1 máis que onte), A Veiga con 1 positivo (ata agora estaba libre de coronavirus) e Vilamartín con 18 (1 máis que onte).
Os casos activos descenden en Larouco con 6 (1 menos que onte) e na Rúa con 58 positivos (5 menos que onte). As cifras mantéñense en Petín con 5 positivos (os mesmos que onte).
En canto aos ingresos por Covid, o Hospital Público de Valdeorras continúa nesta xornada tres ingresos en planta.
