Valdeorras conta dende onte, 18 de xullo, cunha oficina da Asociación Agraria de Galicia. O presidente da asociación, Francisco Bello, asegurou que “a nosa nova sede na Rúa vaise converter nun lugar de referencia para os gandeiros e agricultores da comarca”.
Ademais, afirmou que “o persoal técnico da Asociación Agraria de Galicia en Valdeorras, apoiado polo completo equipo de profesionais que ASAGA ten en Galicia (enxeñeiros agrícolas e forestais, xuristas, economistas,…), ofrecerá solucións para calquera tipo de problemas que se poidan presentar aos profesionais do sector agropecuario, axudará á tramitación de todo tipo de axudas e subvencions, e colaborará conxuntamente cos seus socios no desenvolvemento dun gran número de proxectos relacionados co medio rural”.
A oficina sitúase no número 72 da Rúa Progreso.
