EconomíaEconomíaEn portadaGalerías de fotosÚltima hora

“Valdeorras é unha gran marca, evoca calidade e unha maneira de facer as cousas”

A directora xeral de Comercio, Sol Vázquez, clausuraba na noite do 22 de novembro a asemblea do Barco CCA

Sobre a situación actual do comercio, as rebaixas, regularización de promocións e descontos e liñas de axudas da Administración galega falaba na noite do 22 de novembro en Valdeorras a directora xeral de Comercio, Sol Vázquez Abeal. Coa súa interesante intervención clausuraba a asemblea anual da asociación O Barco Centro Comercial Aberto (CCA), que tiña lugar no edificio multiusos desta vila.

Vázquez Abeal tamén se refería ás vendas online e á importancia de saber competir cun produto diferenciado e con calidade. E, neste senso, dirixíase aos comerciantes sinalando que contan “cun produto marabilloso, cunha gran marca que é Valdeorras, iso evoca calidade e unha maneira de facer as cousas e iso axuda a vender”, indicaba.

 

A directora xeral de Comercio, Sol Vázquez, na clausura da asemblea do Barco CCA./ Foto: Carlos G. Hervella.

 

A directora xeral poñía o broche a unha asemblea na que O Barco CCA, que preside Sandra Moldes, facía balance da actividade desenvolvida ao longo do 2017, con diversas campañas e iniciativas promocionais, tamén se aprobaban as contas desta entidade e as novas solicitudes de afiliación. No apartado de rogos e preguntas abordábase a cuestión da iluminación de Nadal nas rúas da vila e a necesidade de mellorala. O encontro concluía cunha degustación de petistos acompañada por viño de Valdeorras.

Fotos: Carlos G. Hervella.

Máis información no periódico en papel de O Sil.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close